 |
| @archives internet. |
Ministè Edikasyon Nasyonal ak Fòmasyon Pwofesyonèl (MENFP) ap enfòme piblik la, sitou manm kominote edikatif la, li deside sispann Pèmi pou Dirije ak Pèmi pou Anseye Anebert Joseph, ki se direktè lekòl nasyonal Béthel Béthesda, apre vyolans grav li fè sou yon timoun nan lekòl li.
Ministè a di li pran mezi sila apre rapò li jwenn ki sòti nan direksyon depatmantal Nodès ki konfime zak vyolans grav ki fèt sou yon timoun anndan lekòl la nan dat 22 avril 2024 la.
Konpòtman direktè sa a, pa respekte okenn prensip nan zafè lekòl, ni sa ki di sou règleman legal sou entèdiksyon chatiman kòporèl anndan lekòl yo.
Gen lòt mezi administratif Ministè a ap pran, apre rapò Enspeksyon Jeneral Edikasyon ki pral apwofondi ankèt la, daprè kominike li mete deyò.
Ministè a di li pran tou lòt dispozisyon pou bay timoun sa a ankadreman Sikolojk ki nesesè pou evite tout dega nan pakou eskolè elèv la.
Ministè ledikasyon nasyonal mande tout direktè lekòl respekte dwa tout timoun yo genyen pou yo aprann san vyolans anndan lekòl yo.
Radio Télé Vitamine
