 |
| Illustration |
Ministè Edikasyon Nasyonal ak Fòmasyon Pwofesyonèl (MENFP) envite tout responsab lekòl ranpli fòmalite sa yo pou finalize enskripsyon kandida pou egzamen 9yèm ane fondamantal yo.
Konsa, tout direktè lekòl ta dwe pran dispozisyon sa yo :
Peye frè enskripsyon pou chak elèv ki pral nan egzamen 9yèm AF. Montan se 1000 goud pou chak kandida, epi pote fich pèman nan Direksyon Depatmantal Edikasyon (DDE) an, pou l ka otorize lekòl la finalize enskripsyon anliy sou platfòm ministè a pou kantite kandida lekòl la peye pou yo a ; Valide, anliy, sou platfòm MENFP a, kantite kandida li peye a nan lis fòmasyon klas 9yèm AF epi Pote lis elèv ki valide yo pou lekòl la nan Direksyon depatmantal la.
Peryòd pou finalizasyon enskripsyon kandida yo nan egzamen 9yèm ane yo ap demare 22 me pou fini 14 jen 2024 la.
Kidonk, MENFP di li mande tout direktè lekòl ki konsènen yo pran tout dispozisyon prese prese pou ranpli fòmalite sa yo nan tèt kole ak Direksyon Depatmantal Edikasyon nan zòn yo.
Radio Télé Vitamine
