 |
| Jij Jean Claude Douyon |
Nan Yon konferans ak laprè, jedi 4 avril 2024 la, jij Jean Claude Douyon denonse 9 pami 11 jij ki nome, daprè li nan move kondisyon e li mande arestasyon tout jij sa yo.
9 jij premye minis demisyonè Ariel Henry te nome nan kou kasasyon yo pa gen okenn kalite ni lejitimite pou rann okenn desizyon nan non peyia daprè deklarasyon Jij Jean Claude Douyon.
Jij Douyon fè konnen tou se prezidan repiblik la ki gen dwa nome jij kou kasasyon yo, desizyon Ariel Henry te pran pou nome jij lakou a pa kadre AK la lwa, 9 nouvo jij sa yo itlize fo tit ak kalite Pou aji nan aparèy jistis la.
Chè mèt la lwa a mande komisè gouvèman mete aksyon piblik an mouvman kont jij sa yo nan lespri atik 217 kòd pénal ayisyen an. Li konseye tout moun ki sibi move desizyon jij sa yo rann kont yo pou yo pote plent devan lajistis.
Denonsyasyon si laa vini nan moman kote yon gwoup sitwayen nan klas politik la ap mande pou fè chwa Yon jij nan lakou kasasyon pou asire Yon tranzisyon politik nan tèt peyia. Daprè jij Douyon manm karikòm yo pa antre nan lojik silaa se paske nominasyon jij sa yo pa kadre ak prensip la lwa.
Radio Télé Vitamine
