Kèk dizèn moun te pran lari nan pòtoprens ayè vandredi 4 avril 2024 la pou reklame chwa yon jij kou kasasyon pou dirije tranzisyon an nan tèt peyia.
Yon gwoup manifestan te pran lari nan pòtoprens ayè vandredi 4 avril la nan lide egzije chwa yon jij kou kasasyon pou vin dirije peyia.
Divès sitwayen ki te gen pankat nan men yo sou wout delma a, vandredi 4 avril 2024 la, te lanse anpil pawòl piman bouk kont mesyedam karikòm yo ki daprè yo foure bouch yo twò fon nan koze politik peyia.
Manifestasyon silaa ki te gen nan tèt li ansanm avoka ki konstitiye blòk avova angaje pou liberasyon politik ak defans dwa moun yo voye jete nan poubèl listwa kesyon konsèy 7 manm entènasyonal la pwopoze nan tèt peyia.
Youn nan avoka blòk la, mèt Carleb Jean-Baptiste fè konnen sel mwayen poun soti Ayiti nan kriz malouk lap travèse jounen jodia se ale vit nan lakou kasasyon pou chwazi yon jij pou dirije tranzisyon an epi arete tout moun ki gaspiye ak vòlè gwo sòm lajan nan bwat FNE.
Padan tan poko gen okenn solisyon ak sitiyasyon politik la nan peyi Dayiti, gang yo kontinye ranfòse tèt yo nan fè kidnapin ak volè tout sa moun genyen nan ba delma ak sant vil pòtoprens kote grangou a vin pi rèd nan dènye tan sa yo.
Radio Télé Vitamine...
